Не само школувана, туку и образувана; не само убава, туку и грациозна, особено кога зборува на италијански. Магистер по наука за јазик, советник за настава по француски јазик во Биро за развој на образование. Македонка и најуспешна кумановска франкофонка – Кети Димковска, voici l’alphabet!
А
„А“ како почеток, без кој нема приказна, добра или лоша, сеедно.
Б
Бебе и центарот на светот. И мирисот што се памети.
В
Вистина, како шило боде.
Г
Големина, онаа човечката.
Д
Дигитализација, таа веќе не е опција, туку нужност.
Ѓ
Ѓерѓеф и прекрасни ракотворби од далечно, минато време.
Е
Емпатија, во колкава мера ја поседуваме?
Ж
Желба, исполнета, неисполнета, скриена…
З
Зенит, мојот, твојот, … важно е да сме реални кога целиме кон него.
Ѕ
Ѕвонче, училишно. Радува или напнува, зависи од моментот кога се огласува.
И
Идеал… ајде да го вратиме поимот во нашиот образовен процес.
Ј
Јаболко и златниот делишес, мојата омилена сорта.
К
Кирилица, наша а светска. И Светите Кирил и Методиј.
Л
Лето, и летен распуст, и сонце, и радост.
Љ
Љубезност, но само ако е искрена.
М
Македонија, наша татковина, дедовина, наша заедничка емоција.
Н
Насмевка, онаа вистинската алтан вреди. Лажната лесно се препознава.
Њ
Његош, задолжителна лектира од моите училишни денови, преубава, моќна поезија.
О
Образование, и воспитание, и „чист образ“.
П
Пинг-понг, омилениот спорт од мојата младост.
Р
Роза, бела, невина.
С
Септември, месецот кога го славам мојот роденден.
Т
Талент, поклон кон луѓето кои поседуваат каков и да е талент.
Ќ
Ќар, ако некогаш и изостане, барем зијан да немаме.
У
Убавина, таа е насекаде околу нас и таа е релативна. Онаа внатре е апсолутна.
Ф
Франкофонијата и францускиот јазик, тие го обележаа моето професионално битисување.
Х
Хулахоп, вртевме како деца. Забавна и истовремено корисна игра.
Ц
Цивилизација, стара, нова, не секогаш има врска со цивилизираноста.
Ч
Чаре, има ли? Најчесто „да“.
Џ
Џилит, уште една игра од моите детски дни.
Ш
Што е АЗБУКА?
