Тумба Фест 1995 – 2025: 21 август – четврток, градски плоштад Куманово

И по три децении Тумба Фест опстојува, низ шерет песна зборува за минатото, сегашноста и ја предскажува иднината.

Низ шега и смеа до солзи ги опејува кумановските сокаци, батко, Ленче, Досе, кумановските мајтапи и претставува еден од позначајните брендови на градот на батко Ѓорѓија, тумбата и четирите бандери.

Тумба Фест, иако фестивал на македонска народна шегобијна песна, е сериозен фестивал, низ прекрасните текстови, зачинети со ноти кои ти ја галат душата, зборува за секојдневието, за згодите и незгодите на еден суптилен начин.

Тумба Фест е единствениот фестивал во светот кој ги негува дијалектите како историско и културно наследство, при што придонесува кон зачувување на традицијата и идентитетот на еден народ.

Куманово е гордо што го има Тумба Фест.

Нека живее Тумба Фест уште многу, многу децении.

Повелете кумановци во четврток во 20.00 на плоштад на добра музика, смеа, разонода, со нови 18 шерет песни компонирани од дури триесетина автори.

Очекуемо ве куде батка на плоштад, да сте живи и здрави.

Р.П.